طريقة تحضير شباكية مغربية و هشيشة

بمناسبة اقتراب شهر رمضان الأبرك كنقدم ليكم طريقة تحضير شباكية هشيشة وزوينة

مقادير شباكية هشيشة
--------------------------------

كيلو دقيق
ربع كيلو دقيق القمح
ربع كيلو زنجلان محمر شوية ومطحون مزيان
125 غرام لوز مصلوق ومقشر وحتى هو مطحون مزيان من الاحسن يتصلق ويتقشر ويبات ليلة عاد يتطحن
معلقة كبيرة نافع
معلقة كبيرة حبة حلاوة
معلقة كبيرة ماعمراش قرفة
زعفران حر كنسخنو شوية باش يسهال علينا نطحنوه غير بيدينا
مسكة حرة شوية
نصف كاس زبدة
نصف كاس ماء زهر من الاحسن المقطر على اليد
نصف كاس زيت مخلطة بلدية ورومية
نصف كاس خل من الاحسن الخل الابيض
قبصة ملح
بيضة +صفار بيضة
شوية د خميرة الخبز غير شوية الحال سخون دابا
العسل وزيت للقلي وزنجلان للتزيين
----------------------------------

طريقة تحضير شباكية هشيشة

كناخد جميع المقادير الجافة ونخلطهم في قصرية مزيان حتى تتجانس المواد كنضيفو ليها الزبدة والزيت ونبسبسوها مزيان ونجمعوها ونخليوها ليلة كاملة في بلاستيكة غدائية ونخليوها حتى الصباح باش كتشرب وتطلق المواد في بعضها مزيان
في الغد كناخدو الخليط اللي وجدنا في الليل كنضيفو ليه ماء زهر والبيض والخميرة ونخدموهم مزيان من الافضل تبقى قاصحة والى شفتي انها ماتجمعاتس زيدي ليها شوية د ماء زهر او ماء عادي
نقسموها كرات ونغطيوها ببلاستيك ونبداو نطلقو منين نطلقوها نطويوها على هاد الشكل ونحط الطرف الايمن على الايسر بحال خدمة العجين مورق غير هدا مافيهش الشقا بزاف
ومن بعد نكملو الطليق حتى نحصل على السمك اللي بغينا ونبداو نقطعو ونشبكو الشباكية عادي ونستفوها في لاطات او بلاطويات حتى نكمل التشباك
عاد نبداو نقلي ونعسلو الشباكية وخاص تكون خفيفة باش ماتحرقش ليك الشباكية منين كتعسل كنحطوها في كسكاس ونرشو عليها الزنجلان باش يلصق فيها مزيان
ونقدمو الشباكية بالصحة والراحة

الموضوع من قسم:

الحلويات

تنويه : الصور والفيديوهات في هذا الموضوع على هذا الموقع مستمده أحيانا من مجموعة متنوعة من المصادر الإعلامية الأخرى. حقوق الطبع محفوظة بالكامل من قبل المصدر. إذا كان هناك مشكلة في هذا الصدد، يمكنك الاتصال بنا من هنا.